Os Bombeiros de Pontevedra apúntanse á San Silvestre por unha boa causa
Por Diego Espiño
Dez integrantes do Corpo de Bombeiros de Pontevedra anotáronse a popular San Silvestre cun obxectivo, promover o recén aberto Banco de Alimentos da cidade.
Todos eles, en representación de todo o parque municipal, completarán os case 4 quilómetros da marcha atlética ataviados co seu equipo completo de intervención, de algo máis de 20 quilos de peso, para "llamar la atención a la gente, que se entere que existe un Banco de Alimentos y que colabore", explica o bombeiro Darío Gil en nome dos seus compañeiros.
Ademais na saída colocarán varios vehículos a xeito de exhibición.
Trátase así de colaborar coa recollida solidaria de alimentos que a organización da San Silvestre, a cargo da Sociedad Gimnástica, habilita a través do propio Banco de Alimentos.
Segundo explicou un dos seus representantes en Pontevedra, Alfonso García, os alimentos que se necesitan "con máis urxencia" son leite e aceite, ademais de produtos para nenos.
Relacionadas:
-
Máis de 5.000 atletas bótanse á rúa nunha impresionante San Silvestre pontevedresa
Por Ramiro Espiño & Mónica Patxot |
-
Operativo de tráfico pola Carreira Popular San Silvestre 2014
Por Redacción |
-
Os bombeiros amosan a súa cara máis solidaria
Por Redacción |
-
4.439 inscritos para unha San Silvestre de récord
Por Redacción |
-
O Banco de Alimentos cubre necesidades ata maio de 2015 coa Gran Recollida Solidaria
Por Redacción |