Oito medallas para o Mat's Marín e o Mace Sport nos combates cadete e júnior do Nacional de clubs
Case 700 deportistas competiron este sábado na segunda xornada do Campionato de España de clubs de taekwondo que se está a disputar no Pavillón Municipal de Pontevedra. No medio dun gran ambiente e con oito tapices de competición, comezaron as probas da modalidade de combate, concretamente nas categorías cadete e júnior e, de novo, os equipos da comarca de Pontevedra obtiveron un grande resultado.
A competición iniciouse este sábado cos combates da categoría cadete. Nela, os equipos galegos lograron un total de 19 medallas (catro ouros, sete pratas e oito bronces). A pesar destes bos resultados, o campión de España por equipos foi o Deportivo Olimpo Sedavi (Valencia). Acompañárono no podio o Mat´s de Marín, que foi prata, e o Natural Sport Videlgi de Ribeira, que logrou a terceira posición.
Na categoría masculina, houbo dous ouros para os galegos. Javier González (Mace Sport) en -65 quilogramos logrouno tras superar na final a Yeray Robledo (Taekwondo Nazaret), mentres que o taekwondista do Natural Sport de Ribeira Adrián Pombo, foi primeiro no peso de máis de 65 quilogramos, despois de gañar na final a Rubén Herrero (Taekwondo Alberic).
Ademais, houbo catro pratas galegas masculinas para Iago Buján (Escola Lucense, -33), Alberto Bautista (Budo Vigo, -41), Unai Silva (Mace Sport, -57), Abel Seoane (Natural Sport Videlgi, -61). Os bronces foron para Roi Mosquera (Natural Sport Videlgi, -49), Abraham Ramírez (Mace Sport), Ismael Verde (Patiño Moaña, -53), Sergio Iglesias (Doyang, -57), Anxo Casal (Olimpic, -57) e Samuel Posada (Doyang, +65).
Na categoría feminina tamén houbo dous ouros galegos. Foron para as deportistas do Mat´s de Marín, Arlet Ortiz (-51), tras gañar na final a Maider Villava (Mendialdea), e Lara Pazos (+59), que superou no último combate a Lidia Bocanegra (Alcala Kim). Con medalla de prata acabaron Alma Pérez (Suh Sport, -41), Leticia Trigo (Patiño Moaña, -44) e Uxía Rodríguez (Moo Duk Kwan, -59), e con bronce Sandra Rodríguez (Garrapucho, -51) e Zoraida Rey (Suh Sport, -33).
COMBATES DE CATEGORÍA JÿNIOR
Pola súa banda, o Natural Sport Videlgi foi o claro dominador na categoría júnior. O conxunto de Ribeira logrou o título grazas aos catro ouros, unha prata e un bronce acadados. En total, os clubs galegos lograron 19 medallas (4 ouros, 5 pratas e 10 bronces).
As deportistas galegas sumaron o ouro de Beatriz Parada (Natural Sport Videlgi) en -49 quilogramos e cinco pratas: Sara Toucedo (Maniotas, -42), Laura Dosil (Natural Sport Videlgi, -59), Miryam García (Patiño Moaña, -63), Ainhoa Boubeta (Patiño Moaña, -68) e Sabela López (Patiño Moaña, +68).
Houbo tamén sete medallas de bronce para Sara Cortegoso (Mace Sport, -46), Uxía Ojea (Mace Sport, -42), Sara Flores (Escola Lucense, -59), Sara García (Dobok Galicia, -59), Ainhoa Ramos (Luar, -63), Nerea Martínez (Maniotas, -68), Sofía Pérez (Natural Sport, +68).
Na categoría masculina, os deportistas galegos lograron tres ouros e tres bronces. Os ouros foron para os taekwondistas do Natural Sport Videlgi Adriano Jiménez (-55), David Ansede (-63) e Manuel Parada (-68). Os tres bronces foron acadados por Gabriel García (Doyang, -68), Rubén Troitiño (Mat´s, -73) e Alexandre Acuña (Taekanart, -78).
Relacionadas:
-
Nicolás Argibay (Taekanart), elixido como mellor competidor do Campionato Galego de Combate
Por Redacción |
-
O Nacional de taekwondo despídese de Pontevedra con medallas de ouro para Mace Sport e Katia Calvar
Por Alejandro Espiño & Diego Torrado |
-
Triunfo do Mace Sport na primeira xornada do Campionato de España de clubs de taekwondo
Por Alejandro Espiño & Mónica Patxot |