Triunfo do Mace Sport na primeira xornada do Campionato de España de clubs de taekwondo
Non podía comezar mellor o Campionato de España de clubs de taekwondo. Non só nas bancadas, onde se rexistrou un magnífico ambiente. Tamén na pista, porque o club anfitrión, o Mace Sport, logrou o título de campión de España de técnica na categoría infantil. Foi o perfecto inicio para un torneo que está a converter a Pontevedra na capital nacional deste deporte durante estes catro días.
O torneo comezou sen retraso e cumpríronse bastante ben os horarios, tendo en conta o altísimo número de participantes. Os mellores resultados para os equipos galegos chegaron na categoría infantil. O Mace Sport logrou o título, mentres que o Tao foi bronce. Ademais, na clasificación masculina, houbo pleno galego con Mace Sport, Neka Monforte e Tao, no podio por esa orde. A nivel individual houbo quince medallas neste campionato de España infantil.
En concreto, o club pontevedrés sumou as medallas de prata de Diego Rodríguez (benxamín masculino), Ana Isabel Pita (benxamín feminino) e o bronce de Carlos Daniel Solla (Mace Sport). Ademais, Ángel López Ventín, Yago Pita Ros e Adrián Ventín Santos proclamáronse campións de España (trío cadete) e Ángel López Ventín e Sarai Pazos García foron bronce (parella cadete).
Na categoría sénior, os clubs galegos non lograron tan bos resultados. Na clasificación xeral de clubs, non houbo medallas e só na categoría masculina os clubs galegos Hans´s Horang I, Moo Duk Kwan e Escola Lucense empataron na terceira posición.
Con respecto ao Mace Sport, Marcos Silva logrou a medalla de prata individual na proba júnior masculina. Nas combinadas, Martín Díaz Pereira, Jacobo Ligero Vidal e Marcos Silva Ángel colgaron o ouro (trío masculino júnior) mentres que Carlota Corredoira Sartier, Nazaret Licer Crespo e María Peón Lamas foron prata (trío feminino júnior) e Nazaret Licer Crespo e Marcos Silva Ángel, bronce (parella júnior).
Os resultados completos desta primeira xornada pódense consultar na páxina web da Federación Galega de Taekwondo.
Este sábado será o día de maior participación. Celebrarase o Campionato de España de Clubs de combate das categorías cadete e júnior. Pola mañá terá lugar a proba cadete con 367 deportistas e pola tarde a júnior con 297 taekwondistas.
Relacionadas:
-
Nicolás Argibay (Taekanart), elixido como mellor competidor do Campionato Galego de Combate
Por Redacción |
-
O Nacional de taekwondo despídese de Pontevedra con medallas de ouro para Mace Sport e Katia Calvar
Por Alejandro Espiño & Diego Torrado |
-
Oito medallas para o Mat's Marín e o Mace Sport nos combates cadete e júnior do Nacional de clubs
Por Alejandro Espiño & Diego Torrado |
-
Case 1.600 taekwondistas xuntaranse en Pontevedra para participar no Campionato de España de clubs
Por Alejandro Espiño |