Echegoyen e Betanzos, na pelexa polo triunfo no Intergaláctico de Brasil
Por Redacción
Despois do seu sétimo posto no Campionato Sudamericano, Támara Echegoyen e a súa compañeira no 49er FX Berta Betanzos continúan en Brasil adaptándose ás condicións que se poderían encontrar nos próximos Xogos Olímpicos, sempre que logren o seu obxectivo de clasificarse.
O dúo galego-cántabro está a protagonizar un gran papel no Intergaláctico de vela que se está a disputar en augas de Río de Janeiro.
Tras unha brillante segunda xornada, na que non baixaron do podio nas tres mangas disputadas, Echegoyen e Betanzos ascenderon o segundo posto da xeral a un punto das líderes, as neozelandesas Alexandra Maloney e Melly Meech.
Tamén se encontran en Río os irmáns Carlos e Antón Paz. Os vilagarciáns melloraron catro postos na segunda xornada de competición, na que mesmo se anotaron un triunfo parcial, e marchan duodécimos na súa categoría, o 49er.
O Intergaláctico de vela finalizará o próximo venres, 14 de novembro.