Reválida para o Arxil ante o Universidad de Oviedo
Por Redacción
As xornadas pasan e o Club Baloncesto Arxil necesita sumar canto antes a súa primeira vitoria da tempada en busca dun impulso na Liga Feminina 2 que lle reforce nas súas aspiracións de permanencia na categoría.
Mayte Méndez poderá contar con todo o plantel logo de recuperar durante a semana a Fany López e Andrea Carrera, que arrastraban diversas molestias. O equipo arxilista viaxará polo tanto ao completo a Asturias para enfrontarse ao Universidade de Oviedo (sábado, 20:00 horas) co obxectivo de evitar as baixadas de rendemento durante un cuarto de partido que ata agora están a lastrar ao Arxil.
Mini Campus de baloncesto
A entidade baloncestística celebra este venres e sábado en Pontevedra un Mini Campus no pavillón de Maxisterio baixo a dirección da adestradora do primeiro pplantel, Mayte Méndez, e coa axuda de Milagres Sanmartin, Marita Janeiro, Ana Gómez e Carlos Santiso. Estas xornadas están enfocadas para as nenas nacidas entre os anos 2001 e 2005.