Gómez Noya retírase en Estocolmo pero mantense líder a falta da Gran Final
Por Redacción
Problemas estomacais obrigaron a Javier Gómez Noya a retirarse da proba das Series Mundiais de Triatlón celebrada este sábado en Estocolmo en distancia Sprint.
O propio Gómez Noya confirmou eses problemas a través da súa conta de Twitter, onde asegurou que tomou a decisión para poder recuperarse pensando na Gran Final do campionato, que se celebrará a próxima fin de semana na localidade canadiense de Edmonton.
Alí ao triatleta afincado en Pontevedra valeríalle con finalizar no cuarto posto para revalidar o título mundial.
En canto á proba disputada na capital sueca, Gómez Noya quedou pronto descolgado do grupo dos favoritos e optou por abandonar ao comezo da carreira a pé. Por diante Jonathan Brownlee impúxose seguido do seu irmán Alistair e co español Mario Mola na cuarta posición. Terceiro foi o alemán Gregor Buchholz.
Na clasificación xeral o galego mantense no liderato como 3.833 puntos seguido de Jonathan Brownlee (3.551) e Mario Mola (3.491).
Relacionadas:
-
Suma e segue para Gómez Noya, campión do Mundo de medio Ironman
Por Redacción |
-
Cuarto título mundial para Javier Gómez Noya tras finalizar terceiro en Edmonton
Por Redacción |
-
Rajoy e Gómez Noya, de ruta xuntos por Ribadumia para animar a practicar deporte
Por Redacción |
-
Javi Gómez Noya, cuarto en Hamburgo, máis cerca de revalidar o título das Series Mundiais de tríatlon
Por Redacción |
-
Golpe de autoridade de Javi Gómez Noya, que logra en Chicago a súa cuarta vitoria nas Series Mundiais
Por Alejandro Espiño |