A Selección Española xuvenil de balonmán concéntrase en Pontevedra para xogar contra o Cisne
Por Alejandro Espiño
A Selección Española xuvenil de balonmán xa se encontra en Pontevedra preparando a súa participación no torneo internacional Scandiberico, que se disputará en Portugal entre o 31 de xullo e o 3 de agosto. O Pavillón Municipal acolleu este luns os primeiros adestramentos dun combinado que terá nun amigable contra o Cisne un dos seus test máis serios de cara ao inicio da devandita competición.
Será este xoves 24 de xullo, a partir das 20.30 horas, no Pavillón Municipal. Forma parte dos actos do 50 aniversario do club pontevedrés. "Llevamos tres meses tratando de encajar fechas por la actividad de la selección", explicou o presidente do Cisne, Santi Picallo, que sinalou que "estamos muy contentos de que estén aquí, porque es una de las selecciones más laureadas del balonmano español".
"Son buenos jugadores y va a ser un bonito espectáculo", avanzou o presidente do club antes de ceder a palabra ao seleccionador nacional, Alberto Suárez, quen destacou que é un "orgullo" poder participar nun aniversario dun equipo "tan importante en el balonmano español". Asegura que colaborando nestes actos "nuestros chavales conocen la historia de nuestro balonmano y les ayuda a valorar lo que ellos pueden hacer".
Alberto Suárez sinalou que para a Selección Española "venir a Galicia es venir a tierra de balonmano" e apuntou que este combinado parte "con mucha ilusión". Explicou que están a empezar un novo ciclo cunha xeración nova e volven a terras pontevedresas a prepararse "porque en esta época del año nos da buenas sensaciones, sabemos que vamos a estar muy bien tratados y el clima va a ser más llevadero que cuando nos mandan al centro".
Nesta selección hai tres xogadores galegos. Trátase de Xoan Ledo e Román Pedreira (Lalín) e Rubén Río (Artabro), representantes, segundo Suárez, dun balonmán que "siempre produce grandes jugadores". O reto, dixo, é que algún deles chegue a dar o salto á selección absoluta porque "no logra haber ese jugador referente en Galicia que rompa esa dinámica".
O obxectivo do combinado español nesta preparación en Pontevedra e Portugal é, recoñece o técnico, chegar nas mellores condicións ao Campionato de Europa que terá lugar a finais de agosto en Polonia.