Futuro asegurado no Club Baloncesto Arxil
Por Redacción
A gran tempada do equipo de minibasket do Arxil motivou que o alcalde de Pontevedra, Miguel Anxo Fernández Lores, e o concelleiro de Deportes, Agustín Fernández, recibisen o equipo verde para renderlle unha merecida homenaxe.
O conxunto arxilista acábase de proclamar vencedor da Jamboree Nacional, unha especie de campionato de España oficioso da categoría, nun curso no que tamén gañou o Campionato Galego.
Unha xeración de deportistas que garante o futuro do baloncesto feminino na cidade e reforza o traballo de base realizado polo club pontevedrés.