O Ximnasia Pontevedra brilla na casa no Campionato de España de Trampolín
Por Redacción
Boa colleita de medallas para o Ximnasia Pontevedra no Campionato de España de Trampolín celebrado este fin de semana no Pavillón Municipal dos Deportes.
O club pontevedresés foi protagonista na casa con medallistas nas diferentes categorías e varios ximnastas que, a falta de confirmación por parte da Federación Española, gañaron o seu dereito a participar no Campionato do Mundo de Daytona Beach (Estados Unidos).
Entre os máis destacados, Adrián Soliño revalidou por quinto ano consecutivo o título de campión de España sénior de tumbling, co seu compañeiro de equipo Iván Estévez o terceiro lugar.
Tamén lograron a medalla de ouro Anxo Córdoba en categoría Xuvenil, Nicolás Filgueira en alevíns, Alejandro Filgueira en infantís, Sofía Filgueira en benxamíns e Álvaro Albert, os tres últimos en dobre minitramp.
A competición desenvolveuse nas modalidades de trampolín individual, dobre minitramp, tumbling, trampolín sincronizado e minitrampolín.
Outros medallistas foron Martín Rodríguez, Daniel Domínguez e Pablo Molinero. Ademais o equipo sub-15 logrou o bronce en cama elástica e dobre tumbling.
En Pontevedra competiron máis de 350 ximnastas de 12 Comunidades Autónomas.