Buscando novos talentos para a canteira granate
Por Mónica Patxot
Como cada ano por estas datas, o Pontevedra CF busca novos talentos para a súa canteira. Fíxoo cunha sesión de probas na que participaron nenos con idades comprendidas entre os 6 e os 14 anos.
O Estadio Municipal de Pasarón foi o escenario na tarde do mércores destas probas, na que os aspirantes demostraron a ilusión que senten de vestir a camiseta granate e chegar a xogar algún día sobre o céspede do campo pontevedrés.
A sesión estivo dirixida por técnicos do fútbol base do Pontevedra que, entre outras cuestións, supervisaron a condición física dos aspirantes, a súa técnica co balón ou a súa coordinación.