Padexeiros do Club Piraguismo Poio e o Breogán do Grove, a polas medallas do Europeo sub-23 e júnior
Por Redacción
Adrián Sieiro, Sergio Vallejo e Álex Bernández (Club Piragüismo Poio) e Natalia García (Breogán do Grove) son catro dos ochos padexeiros galegos que competirán dende xoves no Campionato de Europa sub-23 e júnior que se celebrará ata o domingo na localidade francesa de Mantes en Yvelines. Trátase da primeira cita internacional do ano para as novas promesas galegas nesta modalidade.
En categoría sub-23, Adrián Sieiro competirá en dúas probas, C-1 200 e 500 metros; igual que Roi Rodríguez (Kaiak Tudense), que fará o propio en K-1 500 e 1.000 metros.
A representación feminina nesta categoría estará composta por Natalia García, que disputará a proba de K-1 200 metros, e Cristina Noya (Rías Baixas Boiro), que o fará en C-2 200 metros.
Pola súa parte, Sergio Vallejo e Alex Bernárdez serán dúas das referencias no C-2 500 e 1.000 metros, que son as regatas nas que competirán. A eles débense engadir Camila Aldana Morrison e Raquel Dacosta, ambas as dúas do Náutico de Pontecesures, que o farán en K-2 500 metros.
Varios deles tamén estarán presentes no Mundial das mesmas categorías que se disputará na cidade húngara de Szeged entre os días 17 e 20 do próximo mes.