A croata Petra Martic será a rival de Lourdes Domínguez na primeira rolda de Wimbledon
Por Redacción
Lourdes Domínguez xa ten rival no cadro final de Wimbledon, terceiro Grand Slam do ano.
A tenista pontevedresa enfrontarase en primeira rolda do torneo londiniense á croata Petra Martic, número 127 do ranking WTA.
Lourdes, actual 132 da clasificación mundial, busca superar a súa mellor participación na catedral do tenis, a segunda rolda alcanzada en 2008, 2011 e 2012.
Pola súa banda Martic, que en xuño de 2012 logrou o seu tope no ranking co posto 42, defende a terceira rolda lograda na herba de Wimbledon a pasada tempada.
Será a segunda vez que ambas as dúas xogadoras se crucen no circuíto profesional. A primeira, en Bulgaria 2010 e sobre superficie dura, foi favorable para a croata, que gañou por un contundente 6-2 e 6-1.
A competición no All England Club arrancará o próximo luns, día 23 de xuño.
Relacionadas:
-
A belga Kirsten Flipkens apea a Lourdes Domínguez de Wimbledon ao derrotala por 6-2 e 6-1
Por Redacción |
-
Lourdes Domínguez non dá opción á croata Petra Martic (6-0, 6-1) e pasa a segunda rolda de Wimbledon
Por Alejandro Espiño |
-
Lourdes Domínguez cae en primeira rolda de Roland Garros ante Casey Dellacqua
Por Redacción |