A Baixada do Umia chega á súa vixésima edición
Por Redacción
A Baixada do Umia cumpre este domingo, 15 de xuño, 20 anos cunha proba que reunirá máis de 200 padexeiros dos diferentes clubs de Galicia.
A cita partirá ás 17:00 horas dende a praia fluvial de Portas descendendo 14 quilómetros polo río ata as instalacións do Club Náutico O Muiño de Ribadumia, organizador da proba.
Coincidindo co seu vixésimo aniversario a Baixada do Umia terá categoría de Campionato Galego de Ríos e Travesías.
Os participantes intentarán suceder ao actual campión, o padexeiro do Piragüismo Vilaboa Antonio Palmas, vencedor absoluto das dúas últimas edicións, nunha competición que se pode completar nas modalidades de K-1 e C-1.