O tirador da Escola Hungaresa Paulo Castro logra a medalla de prata no Nacional Infantil de Esgrima
Por Redacción
O Polideportivo Pedro Delgado de Segovia acolleu o pasado sábado o Campionato de España de Esgrima en categoría Infantil, con presenza de varios deportistas da Escola Hungaresa de Pontevedra.
Un deles, Paulo Castro, colgouse a medalla de prata despois de realizar un brillante torneo e plantarse na final, onde caeu ante o gran favorito, o madrileño Diego Santamaría, do Club de Esgrima Barajas, por 15 toucados a 5.
En Segovia tamén estiveron Luis Castro, Javier Campelo e Chema Carrera como representantes do club lerezano.
Luis finalizou a rolda inicial na vixésimo quinta posición, mentres Carreira e Campelo remataron no posto 35 e 36 respectivamente.
A próxima cita de similares características para a Escola Hungaresa disputarase xa a próxima fin de semana, co Criterium Nacional de Esgrima, en Guadalajara, para tiradores en idade Benxamín e Alevín.