Gómez Noya renuncia a competir no Mundial de Dúatlon de Pontevedra
Por Redacción
A pesar de declarar publicamente a súa intención de competir en Pontevedra, chegar a inscribirse e mesmo figurar na convocatoria do equipo español, Javier Gómez Noya decidiu renunciar ao Mundial de Dúatlon que se disputará na cidade de Lérez os días 31 de maio e 1 de xuño.
Así o anunciou este martes o triatleta, que prefire priorizar as Series Mundiais competindo o mesmo día en Londres.
Gómez Noya, actual líder da competición con 2.400 puntos, avantaxa en máis de 300 puntos a Jonathan Brownlee (2.066) despois de sumar tres triunfos nas tres primeiras carreiras, comezando de xeito inmellorable a súa defensa do título.
Ese comezo inmaculado non resultou suficiente para que decidise ausentarse de Londres, pois o cambio no regulamento aumenta de catro a cinco probas as que puntuan na clasificación das sete que compoñen o calendario das Series Mundiais, ademais da Gran Final.
A pesar de contar con marxe para perderse algunha cita, o galego preferiu gardarse esa carta para a parte final do campionato e centrarse no seu principal obxectivo da tempada, revalidar o título Mundial de tríatlon.
Relacionadas:
-
Javi Gómez Noya, sexto en Londres, mantén o liderado das Series Mundiais de tríatlon
Por Redacción |
-
Pontevedra empeza a vivir o Mundial de Dúatlon
Por Redacción |
-
O Campionato do Mundo de Dúatlon preséntase prometendo "un grande espectáculo"
Por Diego Espiño |
-
Gómez Noya imponse en Yokohama e suma o seu terceiro triunfo consecutivo nas Series Mundiais
Por Diego Espiño |
-
O Mundial de Duatlón en Pontevedra romperá todos os récords de participación
Por Redacción |