O Villalonga gaña en Salceda (3-4) e agárrase ás súas opcións de ascenso
Por Redacción
Os tropezos de Ribadumia, Sanxenxo e Pontellas, unido ao triunfo do Villalonga en Salceda de Caselas (3-4), mantén vivas as aspiracións de ascenso dos celestes.
Saíron os de Julián Ferreiro moi concentrados ante un equipo como o Caselas que se xogaba a permanencia na categoría.
Froito do bo inicio o Villalonga adiantouse pronto no marcador cun penalti transformado por Cuqui, ao que seguiu o segundo tanto, de Caamaño, e o terceiro, obra de novo de Cuqui, que parecía sentenciar o choque aos 35 minutos.
Nada máis lonxe da realidade, porque o Caselas recortou distancias antes do descanso e aínda que os celestes fixeron o 1-4 por medio de Manu, os locais non botaron a toalla e chegaron a poñerse 3-4 con case 20 minutos por xogarse.
Ao final o Villalonga logrou facerse co triunfo para ascender ata a terceira praza da clasificación a catro puntos dos postos de ascenso directo.
CASELAS CF (3): Gabriel, Rafa (Sergio, min.85), Rubén, Jose, Carlos (Vaqueiro, min.85), Hugo, Pablo, Paramos (Pesegueiro, min.80), David, Manuel, Samuel (Cousido, min.46).
VILLALONGA FC (4): Lloves, Leo, Cristóbal, Manu, Caamaño (Gabi, min.75), Cuqui, Saúl (Giao, min.86), Antonio, Machu, Adrián Santos, Arias (Alberto, min.60).
Árbitro: Rubio Aviñoa. Amoestou aos locais Gabriel, Jose e David e aos vistantes Machu, Arias, Cristóbal e Manu.
Goles: 0-1 Cuqui de penalti, min.20; 0-2 Caamaño, min.26; 0-3 Cuqui, min.35; 1-3 David, min.39; 1-4 Manu, min.54; 2-4 Cousido, min.61; 3-4 Cousido, min.72.
Incidencias: Partido disputado no campo da Gándara, Salceda de Caselas.