Portero 2000 e Arosa, vencedores do IV Torneo Fútbol-8 Benxamín e Alevín de Monte Porreiro
Por Redacción
A Escola de Fútbol Portero 2000 na categoría benxamín e o Arosa SC na alevín proclamáronse vencedores na cuarta edición do Torneo Fútbol-8 Benxamín e Alevín de Monte Porreiro.
Un total de 17 equipos galegos déronse cita na competición, celebrada o Xoves Santo e Venres Santo no campo do barrio pontevedrés.
O Portero 2000 impúxose na final da súa categoría ao Cruceiro por tres goles a cero, mentres o Arosa gañou en idade alevín tras gañar o partido definitivo ao Portas (5-1).
Os equipos participantes foron: SD Monteporreiro, EF Portero 2000, Moraña CF, Arosa SC, Verdugo, CD Campo Lameiro, Coruxo FC, Escola Deportiva Arousa, FC Cruceiro, Dorrón CF, Escolas Deportivas de Poio, GD Meadela, Salgueiriños CF, Puente Arnelas FC, UD Santa Mariña, Barro CF e CD Portas.