Grandes nomes para o IV Campus Tecnificación Balonmán Pontevedra
Por Redacción
Por cuarto ano consecutivo a Asociación Propóntelo organizará o próximo mes de xuño o Campus Tecnificación Balonmán Pontevedra coa presenza de numerosos rostros coñecidos deste deporte.
Entre os confirmados encóntrase de novo o adestrador do Naturhouse La Rioja, actual segundo clasificado da Liga Asobal, Jota González, Quique González e xogadores como a olímpica Begoña Fernández, Pedro Ródríguez, Paco López, Fran González, Xavi Díaz, Carlos García, Ivan Amarelle, Toño Lafuente, Alberto Casares ou Victor Rodriguez.
O campus, dirixido por Pablo Domínguez, Pablo Alemany, Martín Iglesias e Andrea Soria, celebrarase na Cidade Infantil Príncipe Felipe entre os días 22 e 28 de xuño centrándose en sesións de adestramento, saídas de balonmán-praia e actividades como sendeirismo, natación ou diferentes xogos deportivos para nenos entre 9 e 17 anos.
O prazo de inscrición xa encóntrase aberto a través da roda electrónica asociacionpropontelo@yahoo.es ou do teléfono 620 746 775.