O Teucro visita a un Adelma Sinfín imbatido na súa cancha
Por Diego Espiño
Coa moral restablecida logo dun triúnfo reparador ante o Barakaldo hai unha semana, o Teucro visita o Pabellón de la Albericia de Santander (sábado, 17:15 horas) para medirse a un Adelma Sinfín que conta os partidos disputados na súa cancha por vitoria.
O equipo pontevedrés intentará romper esa imbatibilidade e de paso estrearse a domicilio esta tempada. Terá que superar o inconveniente de viaxar en autobús o mesmo día do encontro, o que para o central César Armán non debe supor unha escusa, "es un tute pero nosotros hacemos lo que es mejor para el club, nos adaptamos y no debe ser una justificación para no darlo todo".
Armán continúa con molestias no ombreiro e non se atopa aínda ao 100%, igual que outros compañeiros que arrastran problemas físicos dende hai varias semanas, "no estoy ni al 75%, sigo con molestias pero estoy intentando ayudar al equipo. Las lesiones nos están lastrando bastante, aunque esta semana ya pudimos entrenar con más intensidad. A ver si me encuentro mejor y puedo acompañar a Toño con el 5-1 defensivo y así tener más alternativas".
O xogador teucrista non descarta o triúnfo en Santander ante un equipo dos chamados a estar nos primeiros postos da clasificación, "ningún equipo es muy superior, contra Barcelona y Gijón perdimos al final quizás por esa falta de veteranía, tenemos que ir mejorando ese aspecto, pero hay que intentar ganar todos los partidos".