Príncipe Felipe reunirá o domingo 363 escolares no Campionato Provincial de Taekwondo
Por Redacción
Un total de 363 deportistas de 20 clubs da provincia disputarán en Pontevedra o próximo domingo o Campionato Provincial de Taekwondo en Idade Escolar.
A cita, organizada a través do programa autonómico Xogade, reunirá deportistas en idade prebenxamín, benxamín, alevín, infantil e cadete nunha competición que se desenvolverá na modalidade de técnica e 'freestyle'.
O campionato, presentado este mércores, celebrarase no pavillón da Cidade Infantil de Príncipe Felipe o próximo domingo 16 de marzo dende as 9:30 horas da mañá e a entrada para o público será de balde.