Furor polas novas camisetas do Pontevedra
Por Diego Espiño
Foi unha das imaxes do domingo no Estadio Municipal de Pasarón, as colas na tenda oficial do Pontevedra Club de Fútbol e afeccionados lucindo por fin con orgullo os novos equipamentos do seu equipo, da firma Kappa.
O club granate anunciara horas antes que as camisetas para a presente tempada estarían ao fin dispoñibles para a venda, e foron moitos os seguidores que se achegaron a velas de preto e tamén a rascar o peto para facerse cunha delas.
Foi todo un furor, cun número importante de vendas rexistradas que puido mesmo ser maior, ao esgotarse os talles L e XL do primeiro equipamento e porque as colas en caixa antes e despois do partido provocaron que moitos afeccionados preferisen esperar a mellor ocasión para levar o prezado botín.
Segundo cifras oficiais, foron máis dun cento as camisetas vendidas, cun prezo para a granate de 70 euros (60 para os socios) e de 60 euros no segundo equipamento (55 para os abonados).
O club granate confirmou ademais a reposición este mesmo luns dos talles esgotados, e o inicio da venda tamén en liña a través da súa páxina web.
Relacionadas:
-
O Nuevo Ganzábal de Langreo, un campo sintético que escapa á maldición granate
Por Diego Espiño |
-
Churre, convencido da reacción do Pontevedra: "Confío no equipo"
Por Diego Espiño |
-
Os intocables de Yago Iglesias no inicio de tempada
Por Diego Espiño |
-
Resumos propios a falta de acordo coa TVG
Por Diego Espiño |
-
Yago Iglesias: "Sabemos da importancia de Pasarón e dos puntos na nosa casa"
Por Almu Dapena & Cristina Saiz |
-
Álex González desata a tolemia en Pasarón (2-1)
Por Almu Dapena & Cristina Saiz |