As olímpicas Boryana Kaleyn e Margarita Kolosov dirixirán unha masterclass de ximnasia rítmica en Marín
Por Redacción
O Club Agarimo encherá este fin de semana o Pavillón da Raña cunha masterclass de ximnasia rítmica na que participarán 250 ximnastas e estará dirixida polas olímpicas Boryana Kaleyn e Margarita Kolosov, que foron recibidas este venres na Casa Consistorial de Marín pola alcaldesa, María Ramallo, e os concelleiros Antonio Traba e Antonio Caíña.
"O mellor da ximnasia rítmica mundial pasou, pasa e pasará por Marín", aseguraron desde o club marinense durante a recepción das deportistas.
Kaleyn, ximnasta búlgara en modalidade individual, acadou unha prata en París 2024 despois de conseguir un quinto posto en Tokio 2020. Pola súa banda, a alemana Kolosov ten no seu haber dúas medallas de prata no Campionato Mundial de Ximnasia Rítmica, nos anos 2022 e 2023, en probas por equipos, e acadou un diploma olímpico polo cuarto posto conseguido nos Xogos Olímpicos de París.
As ximnastas ofrecerán unha gala final ás 19.30 horas do domingo 22 con entrada de balde para todo aquel que queira desfrutar deste deporte ao máis alto nivel.