Ariana Collazo, a benxamina do novo proxecto do Waterpolo Pontevedra en Primeira Nacional
Por Redacción
O terceiro proxecto do Club Waterpolo Pontevedra na Primeira Nacional feminina segue collendo forma.
Faio coa confirmación por parte do club pontevedrés da súa segunda incoporación, a xogadora que será ademais a benxamina do plantel.
Trátase de Ariana Collazo, xogadora de só 15 anos que se incorpora ao equipo procedente do CW Santiago, do mesmo xeito que Saray Gilbert.
"Achegará dinamismo, intensidade e moitas ganas ao equipo" xogando nas posicións 4-5, afirma o Waterpolo Pontevedra.
XORNADAS DE CAPTACIÓN
Doutra banda a entidade deportiva abrirá as súas portas durante o mes de setembro para todos aqueles nenos e nenas que queiran probar o waterpolo, ofrecendo unha semana de adestramento de balde.
As sesións terán lugar no Complexo Deportivo Municipal de Campolongo os luns, mércores e venres de 16.00 a 17.00 horas (nacidos en 2015-16-17) e de 16.45 a 18.15 horas (anos 2013-2014). Pola súa banda os deportistas nados en 2012 e anos anteriores poderán probarse na piscina de Rías do Sur.
Para calquera aclaración pódese contactar co Club Waterpolo Pontevedra a través do correo electrónico info@waterpolopontevedra.com ou por teléfono 604 002 018.
Relacionadas:
-
Desde Canadá para defender a portería do Waterpolo Pontevedra
Por Redacción |
-
O Waterpolo Pontevedra ródase no Meeting Internacional do Porto
Por Redacción |
-
Saray Guilbert únese ao proxecto de Primeira Nacional do Waterpolo Pontevedra
Por Redacción |
-
O brasileiro Arthur Neves, presentado como novo adestrador do Waterpolo Pontevedra
Por Diego Espiño |
-
Kike García deixa o Waterpolo Pontevedra tras dous anos adestrando o equipo de Primeira Nacional
Por Redacción |