Triunfo para a tranquilidade do Pontevedra B (1-0) sobre o Caselas
Por Redacción
Con máis apuros dos previstos, pero só polo curto do marcador, o Pontevedra B sacou adiante o seu partido fronte ao Caselas, equipo que marca os postos de descenso, o que permite ao filial granate mirar o futuro cunha tranquilidade que só podería romper un posible arrastre en caso de descensos de superior categoría.
Os de Blas Charlín poden rebricar a permanencia nos partidos que han de disputar neste mes, fronte a Unión Grove e Céltiga, rivais da zona baixa, en verdadeiro risco de descenso.
Os granates impuxéronse con xustiza, mostrándose superiores ao Caselas durante os noventa minutos. Despois de que Paco non acertase nos primeiros minutos, o gol chegou no 26 cando Ismael, dende o bordo da área dispara con forza e bate a Gabri.
O Caselas tratou de reaccionar, pero non obstante foron os granates os que volveron ter máis e mellores ocasións na segunda parte, aínda a pesar de xogar cun menos dende o minuto 55, por expulsión de Marou.
PONTEVEDRA B (1): Toño; Dani Adán, Uru, Marou, Collazo, Emilio, Paco (Romero, min. 65), Héctor, Ismael (Adrián Martínez, min. 78), Puyi (Pedro, min. 58) e Víctor (Félix, min. 54).
CASELAS FC (0): Gabri; Bugallo, Cuco, Denis, Charli (Samuel, min. 75), Hugo, Rafita (Congui, min. 51), Lino (Lois, min. 75), Cousido (Borja, min. 93), Manu e Pablo (Rafa, min. 83).
Árbitro: Enríquez Pereiro (Santiago), auxiliado nas bandas por Paz Hermida e Fernández Froiz. Expulsou ao granate Marou, minuto 55, por dobre amoestación. Amoestou aos locais Collazo, Emilio, Paco, Víctor e Romero, e por parte visitante a Gabri, Cuco, Denis, Charli, Hugo, Liño e Cousido.
Goles: (1-0) Minuto 26: Ismael.
Incidencias: Sintético da Xunqueira. Uns 100 espectadores.
IMPORTANTE VITORIA DO XUVENIL
Tres puntos de ouro os que obtivo o xuvenil sobre o Club Basander ao que venceu (2-1) en partido disputado na xornada matinal do domingo, no sintético da Xunqueira.
A vitoria permite aos granates obter un pequeno colchón de catro puntos sobre o Veriña, que marca o límite das posicións de descenso.