A Volta Galicia 2024 presenta o seu percorrido, con Sanxenxo como etapa final
Por Redacción
A XXII Volta Ciclista a Galicia decidirase en Sanxenxo.
A localidade pontevedresa a cuarta, última e decisiva etapa da rolda ciclista autonómica, que se celebrará entre os días 12 e 15 de setembro.
Os detalles da carreira foron revelados na súa presentación oficial.
Tras arrincar cunha contrarreloxo individual e unha etapa en liña na localidade luguesa de Sarria, a Volta Galicia pasará tamén por Xinzo de Limia antes de decidirse nas estradas da comarca.
A cuarta e última etapa da carreira, o domingo 15 de setembro e con 127,7 quilómetros de percorrido, partirá de Sanxenxo e terá a súa meta en Portonovo. Entre medias, dúas ascensións puntuables ao monte Lobeira (3ª categoría) e ao Monte Castrove (2ª), esta última a apenas 30 quilómetros de meta.
Na XXII Volta Ciclista a Galicia participarán un total de 18 equipos entre os que se atopan o Supermercados Froiz, Equipo Cortizo, Vigo Rías Baixas, High Level G. Tormo, Lasal Cociñas-Craega, Team Oiense Escuela Estévez, Retelec Ambilampe e o Club Ciclista Vigués, ademais de formacións de Madrid, Navarra, Estremadura, Cantabria, Castela-León e Aragón e tamén chegadas do estranxeiro, concretamente de Portugal, Francia e Colombia.
Relacionadas:
-
José Luis Faura (Cortizo) resiste o asedio do Froiz en Sanxenxo na última etapa da Volta a Galicia
Por Redacción |
-
Dispositivo de tráfico e seguridade en Sanxenxo con motivo da Volta Ciclista a Galicia
Por Redacción |
-
Triunfo en Salamanca para o Froiz, que xa mira cara á Volta a Galicia
Por Redacción |
-
Concentración do Froiz en Manzaneda para preparar os seus últimos retos da tempada
Por Redacción |
-
Sanxenxo acollerá o 15 de setembro a última etapa da Volta Ciclista a Galicia
Por Redacción |