Lorena Patiño estréase no Mundial de Mountain Bike cun décimo posto na remuda mixta
Por Diego Espiño
Primeira xornada do Campionato do Mundo de Ciclismo de Montaña (MTB) na estación de esquí de Pal Arinsal, en Andorra, e estrea de Lorena Patiño.
A ciclista júnior marinense formou parte do equipo español na proba de remudas mixta que inauguraba a competición, o Mixed Team Relay.
O primeiro en entrar en acción na Selección Española foi Francesc Barber, cun quinto posto na posta inicial, aínda que España caeu ata o undécimo lugar tras as quendas de Estíbaliz Sagardoy e Hugo Franco.
Na cuarta posta entrou en acción Lorena Patiño, e coa deportista júnior do XSM de Marín o equipo español empezou de novo a progresar. Primeiro cunha dura pugna co equipo da República Checa por entrar no Top-10, ao que deu continuidade a sub-23 Marta Cano e finalmente David Valero para entrar na meta en décima posición.
Gañou a carerra o equipo de Estados Unidos, con Francia a só 2 segundos e Italia completando o podio a minuto e medio. España concluíu a 7 minutos dos vencedores.
Tras o seu debut no Mundial andorrano, Lorena Patiño afrontará o venres día 30 un novo reto coa carreira júnior feminina de cros country olímpico (XCO).
Relacionadas:
-
Lorena Patiño roza o Top-10 no Mundial de Mountain Bike cunha espectacular remontada
Por Diego Espiño |
-
Reto 'Mundial' en Andorra para a marinense Lorena Patiño
Por Redacción |
-
A marinense Lorena Patiño coróase no Campionato de España de XCO
Por Redacción |
-
Saúl López e Carla Fernández reinan no Castrove no Campionato de Galicia XCO
Por Redacción |
-
Cruz para a tripla representación pontevedresa no Mundial de Ciclocrós
Por Redacción |
-
Lorena Patiño e Miguel Rodríguez lócense no Campionato de Galicia de Ciclocrós
Por Redacción |
-
Lorena Patiño amarra o título da Copa de España de Ciclocrós e Irene Trabazo pérdeo na última carreira
Por Redacción |