Pontevedra inicia en Australia a conta atrás cara ao Mundial Multideporte de tríatlon 2025
Por Diego Espiño
O Campionato do Mundo Multideporte de tríatlon de Townsville, Australia, chegou ao seu fin este domingo 25 de agosto cunha cerimonia de clausura que tivo a Pontevedra entre os seus protagonistas.
A Boa Vila recibiu no país oceánico a bandeira que lle sinala como organizador deste gran evento para o próximo ano.
Nesta ocasión foron representantes da Federación Española de Tríatlon os que recibiron a bandeira que será entregada a Pontevedra. En concreto fíxoo o ex-campión mundial e europeo de dúatlon, Emilio Martín, como embaixador.
Iníciase así unha conta atrás cara ao mes de xuño de 2025, no que o Mundial Multideporte recalará por segunda vez na súa historia en Pontevedra tras a exitosa edición de 2019 e sumándose ademais á Gran Final das Series Mundiais de 2023.
Este evento supoñerá a organización na cidade durante nove días (20 ao 29 de xuño) dos campionatos do Mundo de dúatlon, acuatlón, aquabike, tríatlon de longa distancia, tríatlon cros e dúatlon cros.
Relacionadas:
-
Cristian Fernández, bronce no Mundial de Acuatlón
Por Almu Dapena |
-
Confirmadas as datas e primeiros detalles do Mundial Multideporte de tríatlon 2025
Por Diego Espiño |
-
Pontevedra presentará candidatura para organizar de novo en 2027 a Gran Final das Series Mundiais
Por Diego Espiño |
-
Pontevedra repetirá en 2025 como sede do Mundial Multideporte de tríatlon
Por Diego Espiño |