Os sextos Xogos Paralímpicos de Juan Saavedra, ao virar a esquina
Por Diego Espiño
Juan Antonio Saavedra conta xa as horas para competir nos que serán os seus sextos Xogos Paralímpicos, os de París 2024. Farao ademais coa ambición e a esperanza de pelexar pola que sería a súa terceira medalla, pero, cando e a que hora competirá o pontevedrés?.
A cerimonia de apertura dos Xogos terá lugar o próximo 28 de agosto, e Saavedra entrará en competición catro días despois.
O tirador pontevedrés estrearase en París 2024 na proba de carabina aire tendido 10 metros R3, fixada para o domingo 1 de setembro. As roldas clasificatorias disputaranse desde as 9.30 horas, mentres que a final está prevista para ese mesmo día ás 13.00 horas.
A súa segunda proba será a disciplina na que é dobre medallista olímpico (prata en Londres 2012 e bronce en Tokyo 2020), a carabina libre tendido 50 metros R6. Esta competición disputarase o xoves día 5 de setembro, coa clasificación ás 9.30 horas e final fixada ás 11.45.
Juan Saavedra debutou nuns Xogos Paralímpicos en Sydney 2000, e desde entón só perdeu a cita de Pequín 2008, estando presente en Atenas 2004, Londres 2012, Río 2016 e Tokyo 2020. Conta, ademais de con dúas medallas, con senllos diplomas conseguidos en Atenas 2004 (4º) e Sidney 2000 (8º).
Nesta ocasión, recoñeceu hai pouco nunha recepción brindada polo Concello de Pontevedra, "vou a por dous ouros, eu aspiro a todo", sinalou con ambición. Non en balde chega á cita como número 1 do ranking mundial.
Relacionadas:
-
Juan Saavedra queda ás portas da súa segunda medalla nos Xogos Paralímpicos de París
Por Diego Espiño |
-
Juan Saavedra colga o bronce en París
Por Almu Dapena |
-
Tere Portela, Antía Jácome, Antía Chamosa e Carolina García, un "orgullo" para Pontevedra
Por Almu Dapena & Cristina Saiz |
-
Pontevedra presume de olímpicos en París 2024: "Vai unha representación con moitísimas posibilidades"
Por Diego Espiño |
-
Juan Saavedra, un medallista olímpico contra as cordas: "Teño que facer 200 quilómetros cada vez que quero adestrar"
Por Diego Espiño |
-
Juan Antonio Saavedra, ouro con récord europeo na Copa do Mundo de Nova Delhi
Por Diego Espiño |
-
Juan Antonio Saavedra, de rozar o récord do mundo na cualificación a ser sétimo na final do Mundial
Por Diego Espiño |
-
Juan Antonio Saavedra, subcampión de Europa de tiro paralímpico en 10 metros mixto SH1
Por Redacción |
-
Juan Antonio Saavedra saca o billete para os seus sextos Xogos Paralímpicos
Por Redacción |