O piragüismo volve acaparar Verducido
Por Redacción
As instalacións do Complexo Deportivo David Cal, en Verducido, acolleron este venres o Campionato de España de Maratón Curto. Nela participaron máis de 300 piragüistas nas categorías cadete, xuvenil, sub 23 e sénior.
O Club Escola Piragüismo Aranjuez coroouse como o equipo gañador da competición, acumulando un total de 374 puntos. Seguíronlle o Club Piragüismo Cuenca, que obtivo 188 puntos, e o Club Piragüismo Irún con 173 puntos.
Nas probas individuais, Iván Alonso, do club As Torres Romaría Viquinga, proclamouse campión en K1 sénior masculino, seguido por Antonio Palmas (Piragüismo Vilaboa) e Martín Egaña (Irún). En K1 sénior feminino, Estefanía Fernández (Mérida) levou a medalla de ouro, con Irati Osa (Irún) e Tania Álvarez (Breogán O Grove) completando o podio.
En C1 sénior masculino, Tono Campos do Breogán dominou a carreira, seguido de Yeray García (Illa de Arousa) e Pedro Areal (Pala Brava). Na categoría feminina de C1, María Martín (Aranjuez) obtivo o primeiro lugar, seguida de Cristina Soutelo (Kayak Tudense) e Patricia Coco (Club Deportivo Cisne).
A segunda cita co piragüismo en Pontevedra continúa durante a fin de semana na desembocadura do río Verdugo, en Ponte Sampaio. Alí celébrase desde este sábado e ata o domingo a Copa de España de Maratón.
Relacionadas:
-
Graña, Duro e Campos logran a prata e Piñeiro o bronce no Mundial de Maratón
Por Redacción |
-
Manuel Fontán e Adrián Sieiro, bronce con Valeria Oliveira e Vikttoriia Yarchevska no Mundial de Sprint de Samarcanda
Por Redacción |
-
Pontevedra, epicentro do piragüismo nacional cunha fin de semana de éxito en Verducido e Ponte Sampaio
Por Redacción |
-
O Campionato de España de Maratón Curto desembarca en Verducido con máis de 300 piragüistas rexistrados
Por Redacción |
-
Diego Domínguez e Joan Antoni Moreno, un bronce olímpico con aroma 'meco' e forxado no CGTD
Por Diego Espiño |