Optimismo teucrista tras a reunión coas administracións no Parador
Por Diego Espiño
Máis optimista que onte. Así se definiu ante os xornalistas o presidente da Sociedad Deportiva Teucro á saída do Parador de Pontevedra, onde directivos do club azul reuníronse con representantes das diferentes administracións para analizar a difícil situación económica da entidade.
Á reunión acudiron finalmente o concelleiro de Deportes de Pontevedra, Agustín Fernández; a deputada provincial, Ana Isabel Vázquez; o xerente da Fundación Deporte Galego, Javier Rico; e o coordinador en Pontevedra da Secretaría Xeral para o Deporte, Daniel Benavides.
Na primeira planta do Parador estaba en xogo o futuro do vicedecano do balonmán español, que ademais contou co apoio á entrada do establecemento dun grupo de afeccionados e xogadores, tanto das categorías inferiores como do primeiro equipo.
Malia as dúbidas xeradas previamente, a mensaxe tralo encontro do presidente azul Carlos García-Alén é de "una reunión muy positiva", co convencimento de "ir todos a una para que el Teucro sea viable".
O dirixente teucrista explicou que Xunta, Deputación e Concello comprometéronse a abonar as subvencións anuais nuns prazos concretos que permitirán ao club facer fronte aos pagamentos inmediatos con Facenda, previstos en 2014 para os meses de maio, xullo e decembro. "Lo que sería los pagos de mayo y julio están perfectamente asegurados", sinalou García-Alén.
Con todo, o acordo máis importante podería ser "una línea con la que en un principio no contábamos" de intentar, co apoio das administracións, ampliar os prazos de pagamento coa Axencia Tributaria.
De logralo "esa simple gestión haría viable hoy por hoy la existencia de la Sociedad Deportiva Teucro", segundo o dirixente azul, porque "no se trata de dejar de pagar deudas sino que nosotros ahora mismo lo que tenemos que pagar en dos años pasaríamos a pagarlo en cuatro o cinco, y eso nos supondría no tener ningún tipo de problema y agobio en el día a día".
Esta demora solicitaraa nos próximos días a entidade co aval das administracións, que ademais se comprometeron a acudir a unha nova reunión, tamén no Parador, o mércores 19 de marzo "para comprobar si este tema ha fructificado".
As cantidades que aínda debe afrontar o Teucro correspondentes á débeda privilexiada coa Axencia Tributaria no presente ano ascenden a preto de 78.000 euros, segundo o recoñecido por García-Alén, mentres o total de subvencións que recibirá oscilan entre "los 150.000 y 160.000 euros", un diñeiro que con todo non é suficiente e debe complementarse coa procura de patrocinios privados, pois "se necesita tesorería para hacer frente a otros gastos del día a día".
O camiño que o vicedecano debe afrontar cara á viabilidade aínda é longo, pero este xoves podería terse dado un importante paso á fronte.
Relacionadas:
-
Rafael Louzán: "Algún directivo do Teucro non está actuando de maneira leal con esta institución"
Por Diego Espiño |
-
O Teucro cualifica a ausencia de Lores e Louzán no Parador como "la primera piedra para hacer desaparecer al club"
Por Diego Espiño |
-
Santander espera un Teucro que recupera efectivos
Por Diego Espiño |
-
A afección apoiará o Teucro diante do Parador no "partido" máis importante da súa historia
Por Ramiro Espiño |
-
Xoves 6 de marzo, día clave para o futuro do Teucro
Por Diego Espiño |