Pablo Crespo durante a serie de repesca

O pontevedrés Pablo Crespo accede ás semifinais olímpicas de C1 1000

Por Anxo Lourido
Mércores 7 de Agosto, 2024 ás 16:11 do Mércores 7 de Agosto, 2024

Pablo Crespo, tras clasificarse para a semifinal olímpica
© Federación Española de Piragüismo

Pablo Crespo lograba o segundo posto
© Federación Española de Piragüismo

Este mércores 7 de agosto, o piragüista pontevedrés Pablo Crespo conseguiu clasificarse para as semifinais da proba de C1 1000 nos Xogos Olímpicos de París. Crespo, que levaba o dorsal 93 e competía na rúa 3, logrou a segunda posición na serie de repesca, asegurando así o seu pase á seguinte rolda.

Na primeira serie quedara en quinto lugar.

A proba de repesca comezou cunha saída falsa que incrementou a tensión entre os competidores. Os italianos Carlo Tacchini e Craciun, situados nas rúas 4 e 5 respectivamente, eran os favoritos.

Crespo comezou forte, liderando a regata desde o inicio.

A medida que avanzaba a carreira, Tacchini tomou a dianteira mentres que Craciun se foi quedando atrás ao non poder seguir o ritmo.

Crespo, demostrando a súa destreza nas augas tranquilas ao sprint, incrementou a potencia a partir dos 750 metros, presionando aos seus rivais e asegurando a segunda posición nos últimos cen metros, seguindo a estela de Tacchini, que marcou un tempo de 3:49.15, por 3:50.24 de Crespo.

Con unha expresión de felicidade ao termo da proba, Crespo celebrou a súa clasificación. Este resultado contribúe a un segundo día exitoso para o equipo español nas competicións de sprint, sumando outra clasificación para semifinais e finais.

O deportista de 22 anos demostrou o seu valor antes dos Xogos, gañando os selectivos nacionais, e este mércores puxo a guinda a unha excelente xornada en París para o combinado español no deporte da piragüa. O sábado estará en semifinais.