O Rei Felipe VI felicita a Teresa Portela tras a clasificación para a final

Teresa Portela participará con 42 anos nunha nova final olímpica ao clasificarse nos seus sétimos Xogos

Por Anxo Lourido
Martes 6 de Agosto, 2024 ás 13:05 do Martes 6 de Agosto, 2024

A embarcación con Teresa Portela e Carolina García en París 2024
© Federación Española de Piragüismo

Teresa Portela en París 2024
© Federación Española de Piragüismo

Carolina García Otero tras a proba de K4
© Federación Española de Piragüismo

A canguesa Teresa Portela, a pontevedresa Carolina García con Estefanía Fernández e Sara Ouzande lograron rematar na mañá deste martes a súa proba en segunda posición e, por tanto, participarán na final que se disputará o xoves 8.

Clasificáronse directamente para a Final A de K-4 500 coa presenza do Rei de España, Felipe VI, que acudiu ás instalacións para ver a competición desta proba sprint.

Con este éxito, a piragüista de Cangas, Teresa Portela, disputará unha nova final olímpica con 42 anos nos seus sétimos Xogos Olímpicos.

En Atenas foi quinta en K2 500 e en K4 500; catro anos máis tarde, en Pequín clasificouse como quinta en K4 500; xa en Londres 2012 obtivo a cuarta posición en K1 200 e en Río 2016, o sexto posto en K1 200.

Finalmente, en Toquio 2020 converteuse en subcampioa olímpica na categoría de K1 200.

A xornada de inicio das probas de piragüismo en París 2024 tamén se saldou co éxito de Antía Jácome e María Corbera coa súa clasificación directa para acceder á semifinal da proba olímpica de C-2 500.

Pola súa banda, a piragüista pontevedresa Carolina García Otero en K2 500 terá que disputar os cuartos de final, tras quedar quinta con Sara Ouzande na súa serie