Derrota do Pontevedra contra o Depor no primeiro amigable de pretempada (0-2)
Primeira proba de pretemporada para o Pontevedra Club de Fútbol e primeira oportunidade de ver aos novos integrantes do plantel en acción.
O encontro contra o RC Deportivo, recentemente ascendido a Segunda División, serviu tamén para descubrir o novo equipamento granate (non presentado aínda de forma oficial).
Yago Iglesias apostou no once con Edu Sousa, Javi Fontán, Mario Gómez, Iago Novo, Rufo, Yelko, Chiqui, Samu, Xabi Domínguez, Garay e Marqués. Unha mestura de homes que foron importantes durante a pasada campaña e numerosas novidades.
O conxunto granate tivo moi bos minutos durante todo o encontro pero o Depor demostrou a súa condición de equipo de superior categoría para impoñerse no marcador con goles de Villares e Hugo Rama.
O primeiro tanto chegou no minuto 37 tras un balón filtrado de Yeremay a Lucas, que este cedeu dentro da área a Villares, e o segundo no 79 cun disparo de Rama que un defensor desviou ao interior da portería.
AUSENCIA DE BORJA DOMÍNGUEZ
Chamou a atención que na convocatoria do encontro Yago Iglesias non contou con Borja Domínguez, quen a pesar de ter contrato co Pontevedra, non participou nos adestramentos desta semana.
A súa ausencia fai pensar na posibilidade dunha saída negociada, que liberaría unha das 16 fichas sénior (as máximas posibles) que agora mesmo están ocupadas.
Partido de pretempada entre Pontevedra CF e RC Deportivo en Pasarón
Primeiro partido amigable da pretemporada 2024-2025 entre o Pontevedra Club de Fútbol e o Real Club Deportivo en Pasarón
© Mónica Patxot
Relacionadas:
-
O Pontevedra leva o Trofeo Luis Otero ao vencer o Lugo (1-0)
Por Diego Espiño & Cristina Saiz |
-
Triunfo do Pontevedra contra o Estradense na cuarta cita da pretempada (1-2)
Por Redacción |
-
O Pontevedra pon prezo ás entradas para o Trofeo Luis Otero
Por Redacción |
-
Borja Domínguez, tres semanas de expediente sen resolver no Pontevedra
Por Diego Espiño |
-
Derrota pola mínima do Pontevedra no campo do Arenteiro (1-0)
Por Redacción |
-
O Pontevedra sentencia o Cidade de Ribeira na segunda parte (0-3)
Por Redacción |
-
Confirmados sete amigables para a pretempada "cargada de partidos" do Pontevedra
Por Diego Espiño |
-
O Pontevedra iniciará a liga recibindo o Valladolid Promesas en Pasarón
Por Diego Espiño |
-
Cinco canteiráns do Pontevedra, na busca da súa oportunidade
Por Diego Espiño |
-
Borja Domínguez, o gran ausente no inicio da pretempada do Pontevedra
Por Diego Espiño |
-
O Pontevedra empeza a suar na pretempada
Por Diego Espiño |
-
Kappa, novo patrocinador técnico do Pontevedra
Por Almu Dapena |