Javi Rey quere ascender co Arosa: "Imos tentalo a matar desde o día a día"
![Almu](/web/cache/scene/uploads/xornalistas/foto/ea8/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5e90aef8d7-_noc0208.jpg)
Por Almu Dapena
O centrocampista pontevedrés Javi Rey únese ao Arosa, achegando a súa experiencia e calidade para lograr o ansiado ascenso do club.
Durante a súa presentación, o presidente arlequinado, Manolo Abalo, destacou a importancia de Rey para o equipo dirixido por Michel Alonso, afirmando que esta fichaxe completa "un dos mellores equipos dos últimos 20 anos".
Abalo mencionou que aínda falta un dianteiro para pechar o plantel, pero mostrouse optimista sobre as posibilidades do equipo: "Con Javi e todo o equipo que está montado temos un proxecto ilusionante, mellor imposible. Están a facerse ben as cousas, esperemos ir pasando eliminatorias. Pido sorte, porque equipo hai dabondo".
Javi Rey regresa a casa tras varios ascensos e a pesar de ter ofertas fóra de Galicia, a historia do club e o interese mostrado polo Arousa pesaron máis na súa decisión. "Tamén tira ser de aquí", expresou o mediocentro, quen indicou que os seus principais obxectivos durante esta campaña serán "axudar aos compañeiros" e "ascender".
Con todo, a afección terá que esperar, polo menos, "un par de semanas" para poder ver a Javi Rey en acción. O futbolista sufriu unha escordadura durante a pasada tempada que non curou ben e a súa recuperación vai "con calma, pero con sensacións boísimas".
O que tamén tomou a palabra foi o director deportivo arosista Dani Abalo, quen destacou o xogo de Rey e o que poderá achegar ao equipo. "Abarca moito campo, é un xogador gañador de duelos, xoga ben e ten moi boa condución. Xogou de maneira fluída en todos os equipos nos que estivo e teño ganas de velo debutar no Arosa. Desde o primeiro momento que contactei con el era unha prioridade", admitiu. Iso si, "fáltanos o dianteiro, ese xogador de ataque que necesitamos. Temos varios nomes encima da mesa e estamos a esperar", indicou.
Relacionadas:
-
Álex Compa, reforzo para a dianteira do Arosa
Por Diego Espiño |
-
O videomarcador do Estadio da Lomba custará preto de 22.000 euros
Por Redacción |
-
O Arosa e o Villalonga comezarán a tempada enfrontándose a Sarriana e Silva
Por Redacción |
-
O Arosa xa ten á venda as novas equipacións
Por Redacción |
-
Javi Rey, a guinda para o ilusionante proxecto do Arosa
Por Diego Espiño |
-
Seis partidos para unha pretempada do Arosa que arranca o 24 de xullo
Por Redacción |
-
Álex Vila, garantía no xogo aéreo, defenderá a portería do Arosa
Por Anxo Lourido |
-
Felipe Peredo reforzará o mediocentro do Arosa
Por Redacción |
-
Mario García, un defensa "competitivo e dinámico" para a zaga do Arosa
Por Alejandro Espiño |
-
José Rivera, outra "volta a casa" para reforzar a dianteira do Arosa
Por Alejandro Espiño |