Primeira fichaxe para o Pontevedra CF 2024-2025: o lateral esquerdo Héctor Hernández
![Alejandro](/web/cache/scene/uploads/xornalistas/foto/dee/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5624216432-20150128-patxot-alex-espino-002.jpg)
Por Alejandro Espiño
O Pontevedra CF anunciou este xoves á súa primeira incorporación para a próxima tempada 2024-2025. Trátase do lateral esquerdo Héctor Hernández.
O futbolista valisoletano, que ten 33 anos, estaba sen equipo desde que acabou contrato co Rayo Majadahonda en xuño de 2023.
Nesa última tempada co conxunto madrileño, na Primeira RFEF, Hernández xogou un total de once partidos, oito deles como titular.
Ao Rayo Majadahonda chegou procedente do Deportivo, no que xogou dúas tempadas en Segunda B e Primeira RFEF. Con eles disputou 43 partidos en total e marcou un gol.
Na traxectoria de Héctor Hernández destaca, sobre todo, a súa experiencia en Primeira División, na que xogou durante a súa estancia no Zaragoza, Real Sociedad, Granada e Alavés.
Ademais, en Segunda División, militou no Tenerife e no Numancia.
Relacionadas:
-
Yelko Pino seguirá vestindo a camiseta granate dúas tempadas máis
Por Alejandro Espiño |
-
Álex González renova e afrontará a súa novena tempada consecutiva no Pontevedra
Por Diego Espiño |
-
Yago Iglesias, o terceiro adestrador que repite proxecto no Pontevedra na última década
Por Diego Espiño |
-
Un mercado con necesidades para o Pontevedra
Por Diego Espiño |