Os máis pequenos tamén gozan do tríatlon
Por Almu Dapena
O broche de ouro á fin de semana cheo de tríatlon púxoo este domingo a proba do Pho3nix Kids Triathlon Series by Javier Gómez Noya.
Este circuíto estivo aberto a nenas e nenos de entre 5 e 13 anos, que puideron gozar deste esixente deporte dunha maneira lúdica e non competitiva nos mesmos circuítos e escenarios que os grandes triatletas nacionais.
O obxectivo de Pho3nix Foundation é dotar de ferramentas e crear axudas para promocionar a actividade física e desenvolver bos hábitos desde idades infantís cun embaixador excepcional como é Javier Gómez Noya.
Con esta proba, Pontevedra despediu unha nova semana na que a natación, o ciclismo e a carreira a pé foron os protagonistas.