O lateral zurdo Luis Castro, primeira fichaxe do Arosa
Por Diego Espiño
O proxecto de Míchel Alonso no Arosa xa ten a súa primeira fichaxe.
O club arlequinado confirmou este martes a incorporación de Luis Castro, lateral esquerdo sub-23 procedente do Racing Villalbés, equipo co que competiu a pasada campaña na Segunda RFEF.
Trátase dunha volta a casa, e é que Castro formouse durante dous anos na canteira arosista, ademais de ter pasado na súa etapa de formación por entidades como a ED Arousa, Pontevedra CF ou CD Lugo, no que concluíu a súa etapa xuvenil e no que pasou dúas campañas no seu filial, a Polvorín, chegando a debutar co primeiro equipo lucense.
"Teño un gran recordo do meu paso polo Arosa, estiven dous anos en categorías inferiores nos que fun moi feliz. De pequeno ía a case todos os partidos na Lomba e teño un enorme cariño por este club", afirmou o lateral na súa presentación oficial na Lomba.
"Afronto esta etapa con moita ilusión e con ganas de devolver o Arosa a Segunda RFEF", sinalou.
Luis Castro, nas súas primeiras palabras como xogador do Arosa, definiuse como un "lateral polivalente, rápido e forte, con influencia ofensiva chegando á área e centrando, pero tamén con moito sacrificio defensivo"
Coa súa fichaxe son xa dez os futbolistas confirmados no novo proxecto deportivo dos de Vilagarcía, ao sumarse aos renovados Martín Diz, Iñaki Martínez, Javi Pereira, Pacheco, Noel Chaves, Antón Concheiro, Dani Sánchez, David Conde e Sergio Prieto.
Relacionadas:
-
Catro pezas máis para o banco do Arosa
Por Redacción |
-
Iván Vázquez e Álvaro Cano acompañarán a Michel Alonso no banco do Arosa
Por Redacción |
-
Sergio Cotilla despídese do Arosa e pecha a súa etapa como futbolista: "Foron os anos máis bonitos da miña vida a nivel deportivo"
Por Redacción |
-
Romay sobe ao novo proxecto do Arosa, "el más bonito posiblemente de la categoría"
Por Diego Espiño |
-
Óscar Varela, un centrocampista defensivo para o novo proxecto do Arosa
Por Diego Espiño |
-
Martín Diz continuará no Arosa "a pesar de ter ofertas de categoría superior"
Por Redacción |
-
Iñaki Martínez e Javi Pereira seguirán un ano máis no Arosa
Por Redacción |
-
O Arosa acelera na planificación: Pacheco renova e Noel Chaves sobe ao primeiro equipo
Por Diego Espiño | Creada e actualizada
-
Manu Táboas despídese do Arosa despois de seis tempadas: "Sempre pensei que me retiraría neste club"
Por Diego Espiño |
-
Míchel Alonso: "Non veño adestrar a Terceira RFEF, veño adestrar o Arosa e sei o que supón"
Por Diego Espiño |