Antía Jácome lidera un prometedor debut no Europeo para o piragüismo pontevedrés
Por Redacción
Estrea prometedora para a armada do piragüismo pontevedrés no Campionato de Europa de Sprint Olímpico que arrincou este xoves na localidade húngara de Szeged.
Un bo número de deportistas pontevedrés avanzaron ás finais e por tanto á pelexa polas medallas, con especial protagonismo na canoa.
Antía Jácome liderou estes resultados ao debutar con vitoria na súa serie dos C-1 200 avanzando directamente á final e demostrando que é unha das favoritas ao ouro, nunha cita que serve ademais como preparación para o gran reto dos Xogos Olímpicos.
Manuel Fontán e Adrián Sieiro (O Muíño) asinaron pola súa banda un segundo posto na súa serie do C-2 200, clasificándose para a final.
Mesma sorte correron Martín Jácome (EP Ciudad de Pontevedra) e Noel Domínguez (Breogán) no C-2 1.000 metros, así como o cangués Pablo Graña ao dominar o C-1 200 masculino.
O Europeo Sprint de Piragüismo disputarase en Szeged ata o vindeiro domingo 16 de xuño.
Relacionadas:
-
Manuel Fontán e Adrián Sieiro, bronce con Valeria Oliveira e Vikttoriia Yarchevska no Mundial de Sprint de Samarcanda
Por Redacción |
-
A pontevedresa Antía Jácome e María Corbera pasan á semifinal olímpica en C-2 500
Por Anxo Lourido |
-
Antía Jácome, subcampioa de Europa en C1 200
Por Almu Dapena |
-
Antía Jácome proclámase campioa de Europa en C2 200, e Manuel Fontán e Adrián Sieiro logran o bronce
Por Almu Dapena |
-
Diego Domínguez clasifícase para os Xogos Olímpicos
Por Almu Dapena | Creada e actualizada
-
Pablo Crespo obra a fazaña e clasifícase (virtualmente) para os Xogos Olímpicos
Por Diego Espiño |
-
Antía Jácome gaña o C-1 200 do Selectivo e fará dobrete nos Xogos Olímpicos de París
Por Diego Espiño |
-
Sétimos Xogos para Teresa Portela e primeiros de Carolina García: "Isto só é o principio do que vén"
Por Diego Espiño & Mónica Patxot |