O Lóstrego B, campión da Copa Deputación disputada na Seca
Por Redacción
O Campo da Seca de Poio acolleu na matinal deste sábado a final da Copa Deputación de fútbol feminino entre Viajes Interrías B e Lóstrego CF.
Ambos equipos clasificáronse para a final despois de superar nas semifinais ao CD Valladares (1-2) e Unión Guardesa (0-4), respectivamente.
En relación ao encontro, o equipo vencedor foi o conxunto de Gondomar, que recibiron o trofeo de vencedoras da man da vicepresidenta da Deputación de Pontevedra, Luisa Sánchez.
O Lóstrego impúxose con claridade na segunda metade tras uns primeiros 45 minutos nos que reinou a igualdade (2-2). Despois do paso polos vestiarios, as xogadoras de Gondomar deron un paso adiante e golearon por 2-5 para coroarse como campioas da Copa Deputación.
Ao longo desta temporada participaron na competición preto dunha trintena de equipos de toda a xeografía provincial.