Carlos Álvarez, candidato a entrar no 'All Star Team' da Liga Asobal
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
É só o seu segundo ano completo na elite do balonmán nacional, tras estrearse o curso pasado co Cisne, pero o pontevedrés Carlos Álvarez confirmouse como un dos mellores xogadores da Liga Asobal.
Tras dar o salto no verán ao Ademar de León, Carlos vai terminar a tempada como máximo goleador da liga. Acumula xa 186 tantos, con 30 de diferenza sobre o segundo da lista a dúas xornadas do final.
Uns números que lle valeron o nomeamento ao 'All Star Team' 2023-2024 de Asobal, como un dos cinco candidatos propostos como mellor extremo dereito.
As votacións abríronse xa na páxina web de Asobal, sendo os outros catro nomeados David Cadarso (BM Logroño), Jenilson Varela (Balonmán Cangas), Ramiro Martínez (BM Benidorm) e Rudolph Hackbarth (Ciudad Encantada).
— Liga Plenitude (@ASOBAL) May 13, 2024
¡Candidaturas repletas de magia para elegir el de @ASOBAL!
@raamimartinez
@caaarlosalvarez
Jenilson Varela
David Cadarso
@RudolphHackbar1
¡Vota!
https://t.co/juqbv4UbV4 pic.twitter.com/uJHf1Yo2HC
Os xogadores e adestrador escollidos como mellores do ano serán homenaxeados na Gala Asobal 2024 que se celebrará este próximo 27 de maio en Valladolid.
Relacionadas:
-
Carlos Álvarez recibe o seu MVP da tempada en Asobal: "Para mí es un sueño hecho realidad"
Por Diego Espiño |
-
Novo recoñecemento a Carlos Álvarez, nomeado MVP da tempada en Asobal
Por Diego Espiño |
-
O pontevedrés Carlos Álvarez, nomeado mellor extremo dereito da Liga Asobal
Por Diego Espiño |
-
Carlos Álvarez, un MVP pontevedrés na Liga Asobal
Por Redacción |
-
Emotiva despedida de Carlos Álvarez como xogador do Cisne: "Será sempre o club da miña vida, o club do meu corazón"
Por Diego Espiño |