Folgada vitoria do Teucro ante o Tejina para seguir a un ritmo imparable (19-26)
Por Redacción
A Sociedad Deportiva Teucro ten claro que a súa misión este ano é volver a División de Honra Prata... E vai polo bo camiño.
O conxunto adestrado por Irene Vilaboa impúxose con contundencia a un Balonmano Tejina incapaz de facer dano e que se viu superado practicamente desde o asubío inicial.
De feito é que o equipo azul conseguiu nada máis saltar á cancha un primeiro parcial de 0-3. Os canarios mantiveron o pulso ao partido e mesmo tiveron opcións de empatar (6-7), pero o Teucro atopou a solución para repoñerse e deixar tocado ao seu rival nos últimos minutos do primeiro tempo.
E é que a partir do minuto 20 o Tejina desapareceu e viuse completamente superado polos visitantes. Parou o tempo o técnico canario (7-12), pero os pontevedreses mantiveron a vantaxe e mandaron o encontro ao descanso nun resultado de 9-14.
A diferenza fíxose maior nada máis saltar á cancha. Un dobrete de Carmelo Álvarez e outro de Xurxo Rivas puxeron a maior vantaxe do partido (9-17) e foi alcanzado o minuto 38 cando o técnico local volveu parar o crono (11-21).
O triunfo xa estaba no peto, o Tejina tentou maquillar o resultado pero o Teucro seguiu firme e mantivo unha folgada vantaxe que variou entre os seis e sete goles de diferenza, logrando finalmente a vitoria cun solvente 19-26.
Consulta as estatísticas nesta ligazón
Relacionadas:
-
O Teucro invoca ao regreso da 'Marea Azul' para acompañar o equipo na Coruña
Por Diego Espiño |
-
O Teucro mantén o ritmo (26-22)
Por Redacción & Cristina Saiz |
-
O Teucro sorprende o líder Lanzarote cun gol case sobre a bucina (31-31)
Por Redacción |
-
Un Teucro con moito 'Ingenio' (34-31)
Por Redacción & Cristina Saiz |
-
O Teucro gaña con autoridade o Porriño para colocarse terceiro (37-25)
Por Redacción & Cristina Saiz |
-
Solvente segunda metade do Teucro para superar ao Carballal (25-33)
Por Redacción |
-
Sufrido triunfo do Teucro ante un Bueu que morreu na beira (32-27)
Por Redacción & Cristina Saiz |
-
O Teucro aférrase á vitoria ante o Ribeiro (26-23)
Por Redacción & Cristina Saiz |