O Ameixa Rock fará vibrar Carril este sábado
Por Redacción
Carril volverá a ser esta fin de semana o paraíso do rock. Chega unha nova edición do festival Ameixa Rock, que vivirá a súa xornada central o sábado 2 de setembro.
É a décima edición deste peculiar festival, que comezará con visitas guiadas á illa de Cortegada, levadas a cabo pola empresa de turismo Corticata.
A visita da mañá será ás 12:00 horas e terá como singularidade que se percorrerá a pé o camiño do carro, aproveitando a baixamar. A volta será en embarcación. A visita da tarde, ás 16:00 horas, será ida e volta en embarcación.
Esta actividade necesita reserva previa e terá un prezo especial para o festival.
Xa na parte musical haberá unha sesión vermú na Praza da Liberdade, ás 13:30 horas, a cargo do dúo The Velvet Crab.
Recambios Tucho, Furious Monkey House, Kris DJ e La Duendeneta será o prato forte para a noite, desde as dez e media.
Xa o domingo, ás 13:30 horas, haberá outra sesión vermú que estará amenizada coas versións pop feitas polos vilagarciáns Perfect Strangers.