Río Verbena incorpora a Dellafuente a un cartel que reserva un día para a música urbana e outro para a 'indie'
Por Alejandro Espiño
Un día -o venres 25 de agosto- para a música urbana e outro -o sábado 26 de agosto- para algúns dos artistas máis recoñecidos da escena independente do noso país. Así será a distribución do cartel da segunda edición do festival Río Verbena.
Nesa primeira xornada actuarán SFDK, Trueno, Certain People, Thom Archi, La Mosca Valiente e Chroma. A eles sumarase, como nova confirmación, Dellafuente, que regresa aos escenarios co seu trap urbano fusionado co flamenco das súas raíces e os ritmos latinos.
O sábado, por tanto, actuarán Vetusta Morla, Xoel López, Jenny and the Mexicats, The Rapants, Blanco Palamera, Galician Army, Flecha Valona, Desconcerto e Conductores Suicidas.
As entradas para o Río Verbena sairán á venda este mércores 7 de xuño a través da súa páxina web https://rioverbena.com/.
Os asistentes poderán elixir comprar o abono para os dous días, dispoñible desde 49 euros máis gastos de xestión ou optar pola opción de entrada diaria desde 35 euros máis gastos de xestión.
Relacionadas:
-
O Río Verbena quenta motores e promete espectáculos "incribles" e actuacións "potentes"
Por Alejandro Espiño & Mónica Patxot |
-
Vendidas máis da metade das entradas para o concerto de Leiva e Iván Ferreiro en Pontevedra
Por Redacción |
-
Leiva e Iván Ferreiro compartirán escenario o 23 de agosto nun concerto en Pontevedra
Por Diego Espiño |
-
Río Verbena ábrese a novos estilos e 'ficha' a Vetusta Morla para a súa segunda edición
Por Alejandro Espiño |