O festival Costa Feira, que se celebrará este verán en Sanxenxo, entre os días 23 de xullo e 19 de agosto, reservará polo menos unha das súas datas para a música urbana. Será cunha actuación dobre, a que protagonizarán Fernando Costa e o grupo de hip-hop La Plazuela.

Ambos se subirán o escenario do festival, situado no polígono industrial de Nantes, o mércores 9 de agosto, a partir das nove da noite.

As entradas, que teñen un prezo que oscila entre os 24 e os 60 euros -este último para os pases VIP-, xa están á venda a través da páxina web do festival.

Fernando Costa é, actualmente, unha das referencias da escena do rap nacional. En 2022 editou o seu esperado segundo disco, Titiritando, no que mestura o seu clásico estilo hardcore con novos ritmos, pero sen perder a súa esencia rueira e underground.

La Plazuela, o dúo formado por Luís Abril 'Nitro' e Manuel Hidalgo 'Indio', son coñecidos por trasladar á música urbana a súa particular fusión de flamenco, electrónica e neo-funk. Chegarán a Sanxenxo co seu primeiro disco, Roneo Funk Club.

Estes dous concertos súmanse aos que xa se anunciaron previamente, os de Taburete (11 de agosto) e Melendi (16 de agosto).