Obra familiar 'Soy una nuez' no Teatro Principal

'Soy una nuez' encandea o público familiar no Teatro Principal

Por Redacción & Cristina Saiz
Domingo 30 de Outubro, 2022 ás 13:43 do Domingo 30 de Outubro, 2022

Obra familiar 'Soy una nuez' no Teatro Principal
© Cristina Saiz

A compañía de Zum Zum teatre e o ciclo Domingo do Principal trouxeron este domingo a Pontevedra a obra 'Soy una nuez', destinada ao público familiar a partir dos 4 anos. A primeira sesión celebrouse ás 12:00 e a segunda terá lugar ás 18:30 horas.

A obra conta a vida da avogada Marinetti, unha muller implacable e amargada que denunciou a case todo o barrio. A súa vida cambia cando coñece a Omar, un neno refuxiado que caeu dunha rama da súa nogueira, transformando a súa día a día por completo.

Marinetti quere quedar con el, e para iso dille que é unha noz e que, segundo unha antiga lei, todos os froitos que caen no seu xardín perténcenlle.

O xuíz e o fiscal, incrédulos, escoitan ás testemuñas, mentres Omar lembra como tivo que fuxir dun país en guerra e como perdeu aos seus pais no mar, esperando unha oportunidade na vida.