Pontevedra soa en feminino
Por Cristina Saiz & Redacción
Guadi Galego meteu este luns no peto ao público da praza da Ferrería. Chegou á emblemática praza na que era xa a terceira xornada do ciclo 'Con voz de muller' e foi digna embaixadora dos obxectivos que busca o Concello de Pontevedra con esta iniciativa, reivindica o talento feminino e a capacidade creativa das mulleres.
A cantante é xa unha vella coñecida dos escenarios pontevedreses, pero non por iso a súa presenza foi menos agardada. Referente da música galega actual, a súa voz e un talento congregaron un público numeroso na praza da Ferrera, que puido gozar de tema dos seus cinco discos en solitario.
Este ciclo trae a Pontevedra o mellor do talento feminino tanto do país como internacional e coa súa presenza demostrou que en Galicia hai moito. Este martes, ademais, tomaralle o relevo outro grupo galego, De Vacas.
As súas versións, o seu humor e o seu xeito de facer súa calquera canción que soa nalgunha radio do mundo son xa garantía de éxito alá onde van e chegan a Pontevedra dentro do seu seu Tour Vacanal 2022, unha revisión do seu repertorio e unha nova oportunidade de conectar coas súas voces e coa súa proposta interxeracional.
Antes de Guadi Galego, durante a fin de semana subiron ao escenario da praza da Ferraría a cantante caboverdiana Lucibela, coa súa mistura de músicas, desde brasileiras a anglosaxonas, e Somdolilá, unha batucada feminista con influencias dos ritmos afro do carnaval de Salvador de Bahía.
Este mesmo luns, para abrir o apetito de música en feminino, Brassica Rapa sorprendeu aos paseantes cun animado pasarrúas co ton festivo e metálico das brass bands norteamericanas. Un espectáculo moi variado que mestura música instrumental e vogal coa multipercusión fixo un percorrido polo casco histórico interpretando grandes éxitos do pop á música tradicional galega, jazz, música reivindicativa e bandas sonoras de películas.
Este ciclo estréase este ano dentro da programación de verán oficial ofrecida polo Concello de Pontevedra con sete actuacións no escenario, espectáculo de rúa e un monólogo teatral, A Síndrome de Lis, dirixido e escrito pola pontevedresa Diana López Varela e interpretado por Rocío Barrio, que dá vida a Lis Lúa, unha xornalista reconvertida en actriz que acaba de ser elixida para protagonizar a nova serie de Netflix sobre o narcotráfico en Galicia.
O ciclo rematará o mércores con Ginebras. Magüi, Sandra, Raquel e Juls e o seu universo pop chegarán á praza da Ferrería a partir das 22.30 horas.
Relacionadas:
-
De Vacas entusiasman coas súas versións galegas e irónicas dos grandes éxitos comerciais
Por Cristina Saiz & Redacción |
-
Xabier Díaz e Antía Muíño: dúas xeracións musicais que se volven cómplices en "Os Xoves de Códax"
Por Redacción |
-
Lucibela substitúe a Pongo no ciclo "Con voz de Muller"
Por Redacción |
-
Monólogos, maxia, actividades infantís ou Voz de Muller, na primeira semana de agosto en Pontevedra
Por Redacción |
-
Con Voz de Muller volve a Pontevedra con Guadi Galego, De Vacas, Ginebras e a afroportuguesa Pongo
Por Alejandro Espiño |