O quinto Premio María Victoria Moreno de literatura xuvenil xa busca o seu gañador ou gañadora
Por Alejandro Espiño
Pontevedra xa busca o gañador ou gañadora da quinta edición do Premio María Victoria Moreno de literatura xuvenil. O prazo de recepción de orixinais abriuse este martes e os autores poderán emitir as súas obras ata o próximo 29 de xullo.
A novela gañadora recibirá 3.000 euros e será editada pola editorial Cuarto de Inverno, impulsora deste galardón xunto co Concello de Pontevedra.
Poderán participar nestes premios calquera persoa que presente escritos inéditos da súa autoría redactados en lingua galega e cunha extensión máxima de 250.000 caracteres.
As persoas interesadas poden atopar as bases de participación na web www.salondolibro.gal.
Como vén sendo habitual, a obra gañadora será escollida por un xurado composto por unha representación do Concello, outra da editorial e un familiar de María Victoria Moreno.
"O bestiario científico de Anxos Nogueirosa" de Antonio Manuel Fraga, "Ardora" de Beatriz Maceda, "Velloucas e minchas" de Lorena Conde e "O segredo de Al'eume" de Pilar Ortega foron os premiados nas catro edicións anteriores destes premios.
Relacionadas:
-
A viguesa Pilar Ortega, gañadora da cuarta edición do premio literario María Vitoria Moreno
Por Mónica Patxot & Natalia Puga |
-
A pontevedresa Lorena Conde é a gañadora da terceira edición do certame literario María Vitoria Moreno
Por Manu Otero |
-
A escritora Beatriz Maceda Abeleira vence no II Premio María Victoria Moreno
Por Redacción |