![](/web/cache/scene/uploads/fotos/foto/135/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0knKLynJz1WyrgUA_/619d0da0e7-03-bolsa-nuria-rodriguez-figueiredo.jpg)
© Museo de Pontevedra - Deputación Provincial
O Museo organiza un obradoiro de cerámica coa gañadora de Novos Valores, Nuria Rodríguez Figueiredo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/601/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/628cc912c6-1.jpg)
© Museo de Pontevedra
O Museo de Pontevedra realizará durante o mes de xuño un obradoiro de iniciación á cerámica para adultos da man da artista Nuria Rodríguez Figueiredo, gañadora dunha das catro bolsas do certame Novos Valores de 2020. O éxito da iniciativa foi tal que apenas unha hora e media despois de anunciar a actividade nas redes sociais da institución as prazas xa estaban completas.
Cabe a posibilidade de que as persoas interesadas se anoten nunha lista de agarda e non se descarta ampliar o número de prazas e de sesións de cara ao verán. As inscricións deben facerse no correo reservas.museo@depo.gal.
O obradoiro preséntase como un primeiro achegamento á cerámica. Durante catro sesións as persoas participantes explorarán diferentes técnicas de construción (churro, prancha, belisco), coñecerán os estados da arxila, o secado, e experimentarán con diferentes cubertas, as térreas e os vidrados. Fabricaranse engobes e tamén se descubrirán diferentes técnicas de aplicación para decorar as pezas e logo cocelas. A planificación do obradoiro inclúe catro sesións: os xoves 2, 9, 16 e 30 de xuño de 18.30 horas a 20.30 horas.
Nuria Rodríguez Figueiredo foi unha das gañadoras das catro bolsas do certame Novos Valores en 2020 coa creación ‘Voltar’, unha creación escultórica de cerámica vidriada. A autora, xa participante noutras edicións de Novos Valores, pretendía lembrar coa peza un altar cheo de elementos e símbolos representativos para chamar ao recordo “dunha infancia perdida no tempo”.
Relacionadas:
-
Aberto o prazo para artistas noveis que queiran participar en Novos Valores 2023
Por Redacción |
-
Abre a exposición coas obras dos 'Novos Valores 2022' no Edificio Sarmiento
Por Mónica Patxot & María José Pita |
-
Eva Pena, Teresa Búa, Borja Santomé e Julia Gil, 'Novos Valores 2022'
Por Redacción |
-
O Museo centra os seus talleres infantís de verán nas mulleres artistas, Galicia e a arte rupestre
Por Redacción |
-
Aumenta a esixencia de calidade en Novos Valores cunha selección de 17 obras para a exposición do certame
Por Redacción |
-
O Museo acollerá un obradoiro de exlibris e lembra a Dan Graham
Por Redacción |
-
Un obradoiro reinterpretará de maneira tipográfica o 'Diario de 1921' de Castelao
Por Redacción |