San Martiño conmemora o Día das Letras Galegas cos dous concertos na 'Casa verde' de Salcedo
Por Redacción
A Asociación Músico Cultural San Martiño conmemorará o Día das Letras Galegas coa celebración de dous concertos, o vindeiro martes 17 de maio.
O primeiro será ás 12 horas na "Casa Verde" e terá como protagonista á Banda de Música de Salcedo que, nunha das súas pezas do repertorio contará coa colaboración do gaiteiro fornelense Andrés Lorenzo Castro.
Pola tarde, ás 18:30 horas, continuará a conmemoración deste día sinalado cun concerto coral no que participarán a Coral Polifónica de Salcedo, como anfitriona, xunto á de Noia, o Coro Samertolameu de Moaña e a agrupación Amigos da Farra.
Con estes actos, a Asociación Músico Cultural San Martiño quere homenaxear, como cada ano, ás nosas letras e con elas ao autor Florencio Delgado Gurriarán, exiliado en América, colaborador de Castelao, promotor de iniciativas editoriais e radiofónicas e poeta escollido pola Real Academia Galega como merecedor desta homenaxe.
Relacionadas:
-
'O Camiño andado das Letras', un percorrido pola historia da cultura galega da man de Polo Correo do Vento
-
Florencio Delgado Gurriarán, un activista cultural e editor literario defensor do galeguismo
Por Redacción |
-
A Escola de Música de Salcedo celebra o Entroido con música dos cinco continentes
Por Redacción |