"Devolvendo o golpe", o documental sobre o boxeador Aarón 'Thunder' González, chega ás salas este venres
Por Alejandro Espiño
Catro salas de cinema de Pontevedra proxectarán, a partir deste venres 13 de maio, o documental Devolvendo o golpe, protagonizado pola historia de superación persoal do boxeador marinense Aarón "Thunder" González.
Devolvendo o golpe poderá verse en Cinexpo Pontevedra, nos Multicines Gran Arousa de Vilagarcía, en Multicines Norte de Vigo e no Cine Seixo de Marín.
O documental, dirixido polo xornalista Carlos Prado, aborda como Aarón superou o grave atropelo que sufriu cando tiña dez anos mentres esperaba ao autobús escolar.
Esta coprotagonizado por Rosa María Diz, a nai do pentacampeón galego de boxeo, unha figura fundamental na vida e na recuperación de Aarón González.
Tras a súa recuperación, "Thunder" González logrou coroarse tres veces como campión de España e é, actualmente, unha das referencias do boxeo olímpico no noso país.
O documental exhibiuse na pasada edición do festival de cinema internacional de Ourense e obtivo o premio do público e do xurado ao mellor documental no Festival Primavera do Cinema de Vigo; e o premio do xurado no Festival de Cinema Inclusivo de Vigo.
Relacionadas:
-
A historia de coraxe e superación de Aarón "Thunder" González serve de inspiración aos internos da Lama
Por Redacción |
-
O boxeador que "devolveu os golpes" da vida e loitou contra o seu destino
Por Alejandro Espiño & Mónica Patxot |
-
A historia de superación do boxeador Aarón González, a polos Mestre Mateo
Por Redacción |
-
O documental marinense, "Devolvendo o golpe", gaña os premios do xurado e do público no Festival Primavera do Cine
Por Redacción |
-
'Devolvendo o golpe', o documental sobre a historia de Aarón González, de preestrea
Por Redacción |